एसिड हमलामा परिवर्तित कानुन !

- नेपाल संवाददाता

संगीता मगर, १६, लाई ताकेर ०७१ फागुनमा काठमाडौँको एक ट्युसन सेन्टरमा भएको एसिड हमलाको क्षतिपूर्ति अझै दिइएको छैन । एसिड प्रहारबाट मगर र उनकी एक सहपाठी घाइते भएका थिए । मगरको अनुहार, छाती, पेट र खुट्टामा एसिडको असर परेको थियो । तत्काल क्षतिपूर्तिका लागि नेपालको कानुनमा व्यवस्था नै छैन । महिला कानुन तथा विकास मञ्चले रिट दायर गरेपछि सर्वोच्च अदालतले उक्त व्यवस्था परिवर्तन गर्न लागेको छ । गत महिना सर्वोच्चले नेपाल सरकारलाई त्यससम्बन्धी कानुन निर्माण गरी तत्काल क्षतिपूर्ति र आवश्यक पर्ने संवेदनशील तवरको रेखदेखको व्यवस्था गर्न आदेश दिएको थियो । 

नेपालमा बर्सेनि औसत ४० एसिड प्रहारका घटना हुने गरेका छन् । दाइजो नल्याएका कारण परिवारभित्रै पनि यस्ता घटना हुने गरेको पाइएका छन् । दोषीलाई भने आठ वर्षको सजाय र दोषीलाई तीन लाख रुपियाँ क्षतिपूर्ति तिराउने भन्ने छ । बेलायती समाचार संस्था रोयटर्सले लेखेको छ, ‘धेरैले त्यसमध्ये पनि निकै कम क्षतिपूर्ति पाउँछन्, त्यो पनि विलम्ब गरी अदालतले फैसला सुनाएपछि मात्र । त्यसबीचमा भने पीडितले दृष्टि गुमाउने र अनुहार छियाछिया हुनेजस्ता थुप्रै खाले मूल्य चुकाइसकेका हुन्छन् ।’ 

प्रकाशित: असार ५, २०७४