खेलकुद

विश्वकप २०१८ : फ्रान्सविरुद्ध क्रोएसिया (म्याच प्रिभ्यु)

पवन आचार्य, असार ३१, २०७५

यी दुईबीचको खेल लुज्निकी रंगशालामा राति पौने ९ बजे सुरु हुनेछ ।
पुरा पढ्नुहोस्

विश्वकप २०१८ : इङल्याण्डविरुद्ध बेल्जियम (म्याच प्रिभ्यु)

पवन आचार्य, असार ३०, २०७५

ब्राजिल विश्वकप सन् २०१४ को समूह चरणबाटै बाहिरिएको इङल्याण्ड सामू ५२ वर्षपछि महाकुम्भको फाइनल खेल्ने अवसर थियो । तर कमजोर मिडफिल्ड र रक्षापंक्ति चुस्त हुन नसक्दा क्रोएशियाले इङलिस फुटबलर र समर्थकको त्यो सपना चकनाचुर पारिदियो । इङल्याण्डका अघि अब प्लेअफमा बेल्जियमलाई हराएर तेस्रो स्थान हात पार्ने बाहेक अर्को बिकल्प छैन । घरेलु भूमिमा सन् १९६६ मा भएको विश्वकप उचालेयता सोही स्तरको सफलता फुटबलका अन्य महत्वपूर्ण प्रतियोगितामा हात पार्नबाट असफल थ्री लायन्सले रुसमा सेमिफाइनलसम्मको यात्रा तय गर्नु आफैंमा ठूलो सफलताको हो । प्लेअफमा तेस्रो स्थान हासिल गरे त्यो बोनस हुने छ ।

अर्कोतर्फ बेल्जियम पनि सेमिफाइनलमा फ्रान्ससँग बेहोरेको हारमा मलहम लगाउने पक्षमा छ । यस्तोमा समूहगत चरणमा १–० ले  हराइसकेको इङल्याण्डलाई प्रतिद्वन्द्वी पाउँदा पनि रेड डेभिल्स खुशी छैन । कारण विश्वकपमा पहिलो हुनका लागि पुगेका टोलीहरु तेस्रो स्थानको भिडन्तमा रमाउने कुरै भएन । बेल्जियम वा इङल्याण्ड दुबैले यो खेललाई मात्र प्रतिष्ठाको लडाइँ बनाएका छन् ।

सेन्ज्ट पिटर्सबर्गमा राति पौने ८ बजे मैदान उत्रिंदा बेल्यिजम डिफेण्डर थोमस मुनिएरको पुनरागमनले हौसिने छ । एक म्याचको प्रतिबन्धका कारण उनले फ्रान्ससँगको सेमिफाइनल भिडन्त गुमाएका थिए । प्रशिक्षक रोबर्टो मार्टिनेजले आज टिममा केही परिवर्तन गर्ने सङ्केत गरेका छन् । तर, सर्वाधिक गोलकर्ताको सूचीमा इङल्याण्डका ह्यारी केनभन्दा मात्रै २ गोलले पछि रहेको रोमेलु लुकाकुलाई पहिलो रोजाईमा उतार्नुको बिकल्प उनीसित छैन ।

इङलिस प्रशिक्षक गारेथ साउथगेट किरन ट्रिपियरको चोटले पिरोलिएका छन् । त्यसैले उनी टिममा परिवर्तन गर्ने मुडमा छन् । तर, धेरै परिवर्तन गर्दा समूहगत चरणमा बेहोरेको हार उनले अझै बिर्सेका छैनन् ।

हेड टु हेड

–बेल्जियम र इङल्याण्ड रुस विश्वकपमा भिड्न लागेको यो दोस्रो अवसर हो । समूहगत चरणमा बेल्जियम १–० ले विजयी भएको थियो ।
–समूहगत चरणको सो खेलअघि इङल्याण्डले बेल्जियमविरुद्ध खेलेको २१ खेलमा १५ मा जित हात पारेको थियो । १ खेल बेल्जियमले जित्दा ५ म्याच बराबरीमा सकिएका थिए ।
–सन् २००२ पछि एउटै विश्वकपमा दुईपटक भिड्ने इङल्याण्ड र बेल्जियम पहिलो हुन् । यसअघि सन् २००२ को विश्वकपमा ब्राजिल र टर्कीले पनि एउटै विश्वकपमा दुईपटक एकअर्कालाई प्रतिद्वन्द्वी पाएका थिए ।

बेल्जियम

–बेल्जियमले विश्वकपमा दोस्रोपटक तेस्रो स्थानको प्लेअफ खेल्न लागेको हो । सन् १९८६ को मेक्सिको विश्वकपमा तेस्राृे स्थानका लागि भएको भिडन्तमा बेल्जियम फ्रान्तसँग अतिरिक्त समयमा ४–२ ले पराजित भएको थियो ।
–विश्वकपको नकआउट चरणमा सर्वाधिक खेल बिना क्लिन सिट खेल्ने कीर्तिमान बेल्जियमको नाममा छ । नकआउट चरणमा खेलेका १४ खेलमा बेल्जियमले क्लिन सिट कायम गर्न सकेन । अरु टोलीले नकआउट चरणका सात खेलमा मात्रै क्लिन सिट कायम गर्न नसकेको तथ्याङ्क छ ।
–विश्वकपमा सन् १९९० मा स्पेन र इङल्याण्डसँग पराजित भएयता बेल्जियमले युरोपेली टोलीसँग लगातार हार बेहोर्नु परेको छैन ।
–प्रशिक्षक रोबर्टो मार्टिनेजको नेतृत्वमा बेल्जियमले खेलेको २६ म्याचमा मात्रै २ वटामा पराजयको मुख देखेको छ । सन् २०१६ मा मार्टिनेजले प्रशिक्षणको नेतत्व लिएयता बेल्जियमले स्पेन र जारी विश्वकपको सेमिफाइनलमा फ्रान्ससँग मात्र पराजित भएको छ ।
–जारी विश्वकपमा सर्वाधिक गोल गर्ने टिममा बेल्जियम पर्छ । रेड डेभिल्सको नाममा १४ गोल छ ।
–युरोपेली च्याम्पियनसिपको छनोटमा सन् २०१० मा जर्मनी र टर्कीसँग पराजित भएयता बेल्जियमले प्रतिस्पर्धात्मक खेलमा लगातार हार बेहोर्नु परेको छैन ।
–फिफाको सबै पाँच कन्फेडेरसनमा आवद्ध टोलीलाई यसै विश्वकपमा हराउने श्रेय बेल्जियमलाई मात्रै छ ।

 इङल्याण्ड

–इङल्याण्डले पनि विश्वकपमा दोस्रोपटक तेस्रो स्थानको प्लेअफ खेल्न लागेको हो । १९९० को विश्वकपमा तेस्रो स्थानका लागि भएको भिडन्तमा इङल्याण्ड इटालीसँग २–१ ले पराजित भएको थियो ।
–रुस विश्वकपमा इङल्याण्डले १२ गोल गरिसकेको छ । इङल्याण्डले विश्वकपमा गरेको यो नै अहिलेसम्मकै सार्वधिक गोल हो ।
–फुटबलको महत्वपूर्ण प्रतियोगितामध्ये ४ वटा सेमिफाइनलमा हार्ने इङल्याण्ड एक्लो टोली हो । थ्री लायन्सले १९६८ को युरोको सेमिफाइनलमा नतिजा युगोस्लाभियालाई सुम्पेको थियो । १९९० को विश्वकपमा पश्चिम जर्मनी, युरो १९९६ मा जर्मनीलाई र जारी विश्वकपमा क्रोएशियालाई इङल्याण्डले सेमिफाइनलको नतिजा सुम्पेको छ ।
–विश्वकपमा चौथो म्याच जित्ने सुरमा इङलिस टोली छ । आफ्नै भूमिमा भएको १९६६ को विश्वकप जित्दा टोलीले ५ वटा म्याच आफ्नो पक्षमा पारेको थियो ।
–आत्मघाती गोललाई गणना नगर्ने हो भने इङल्याण्डबाट जारी विश्वकपमा गोल गर्ने खेलाडीको संख्या ६ छ । १९५४, १९९८ र २००२ को विश्वकपमा इङलिस टोलीबाट ५ जना खेलाडीले गोलमा आफ्नो नाम लेखाएका थिए ।
–विश्वकपमा इङल्याण्डले खेलेको खेलमध्ये १० वटाको नतिजा अतिरिक्त समयमा धकेलिएको छ । जर्मनी र इटालीको हकमा यो संख्या इङल्याण्डभन्दा १ बढी छ ।
–विश्वकपको एउटै प्रतियोगितामा इङलिस फुटबलरले ६ भन्दा बढी गोल गर्न सकेका छैनन् । ह्यारी केनले जारी विश्वकपमा व्यक्तिगल गोल संख्या ६ पुर्‍याएका छन् । यसअघि १९८६ मा ग्यारी लिनेकरले ६ गोल गर्दै गोल्डन बुट आफ्नो नाम गरेका थिए । आजको खेलमा गोल गर्न सफल भए केन विश्वकपमा सर्वाधिक गोल गर्ने इङलिस खेलाडी बन्नेछन् ।
–इङलिस टोलीले जारी विश्वकपमा गरेको १२ मध्ये ९ गोल सेट पिसबाट निस्केको छ । यो संख्या एउटै टिमले एउटै विश्वकपमा गरेको गोलमध्ये सन् १९६६ पछिकै अधिक हो ।
पुरा पढ्नुहोस्

विश्वकप २०१८ : मस्कोमा महाभिडन्त

पवन आचार्य, असार २९, २०७५

२१औँ संस्करणको विश्वकप अन्डरडगको या महारथीकै ?
पुरा पढ्नुहोस्

विश्वकप २०१८ : इङल्याण्डविरुद्ध क्रोएशिया (म्याच प्रिभ्यु)

पवन आचार्य, असार २७, २०७५

आधुनिक फुटबलको जन्मदाता इङल्याण्ड विश्वकप फुटबल दोस्रोपटक उचाल्ने संघारमा छ । तर, त्यसका लागि सेमिफाइनलमा कठिन प्रतिद्वन्द्वी क्रोएशियालाई पन्छाउनुको विकल्प ऊसँग छैन ।
पुरा पढ्नुहोस्

विश्वकप २०१८ : बेल्जियम विरुद्ध फ्रान्स (म्याच प्रिभ्यु)

पवन आचार्य, असार २६, २०७५

बेल्जियम र फ्रान्सबीचको खेल आज मध्यरात पौने १२ बजे सेन्ट पिटर्सबर्ग स्टेडियममा सुरु हुनेछ ।
पुरा पढ्नुहोस्

घर फिर्ती : नामी टिम विश्वकपबाट बाहिरिनुका कारण

पवन आचार्य, असार २४, २०७५

नामी टिम विश्वकपबाट बाहिरिनुका कारण
पुरा पढ्नुहोस्

विश्वकप २०१८ : रुसविरुद्ध क्रोएशिया (म्याच प्रिभ्यु)

पवन आचार्य, असार २३, २०७५

रुस र क्रोएशियाबीचको खेल शनिबार मध्यरात पौने १२ बजे फिस्ट ओलम्पिक स्टेडियममा सुरु हुनेछ ।
पुरा पढ्नुहोस्

विश्वकप २०१८ : इङल्याण्डविरुद्ध स्वीडेन (म्याच प्रिभ्यु)

पवन आचार्य, असार २३, २०७५

आधुनिक फुटबलको जन्मदाता इङल्याण्डले सन् २००६ यता महाकुम्भको क्वार्टरफाइनलमा खेल्दैछ । त्यस्तै १९९४ मा सेमिफाइनलसम्म पुगेको स्वीडेनसँग घरेलु मैदानमा १९५८ मा फाइनल खेलेको झल्कोमा रमाउनबाहेक अन्य विकल्प छैन ।
पुरा पढ्नुहोस्

विश्वकप २०१८ : ब्राजिल विरुद्ध बेल्जियम (म्याच प्रिभ्यु)

पवन आचार्य, असार २२, २०७५

सुन्दर खेलको हिमायती ब्राजिल बेल्जियमको स्वर्णीय पुस्तासँग कजान एरिनामा मध्यरात पौने १२ बजे भेट्दा छैठौ पटक विश्वकप उचाल्ने सपनालाई नयाँ आकार दिने योजनामा हुनेछ ।
पुरा पढ्नुहोस्

विश्वकप २०१८ : उरुग्वेविरुद्ध फ्रान्स (म्याच प्रिभ्यु)

पवन आचार्य, असार २२, २०७५

शुक्रबार राति पौने ८ बजे हुने उरुग्वे र फ्रान्सबीचको विश्वकप क्वार्टरफाइनललाई सशक्त रक्षापंक्ति र चुस्त आक्रमणबीचको लडाईंका रुपमा लिन सकिन्छ ।
पुरा पढ्नुहोस्

विश्वकप २०१८ : इङल्याण्डविरुद्ध कोलम्बिया (म्याच प्रिभ्यु)

पवन आचार्य, असार १९, २०७५

कोलम्बियासँग भएका यसअघिका ५ खेलमा इङल्याण्ड अविजित छ । पछिल्लोपटक यी दुई टोली सन् २००५ मा न्यू जर्सीमा भिडेका थिए । माइकल ओवेनको ह्याट्रिकको मद्दतमा इङल्याण्ड त्यतिबेला कोलम्बियामाथि ३–२ ले हावी भएको थियो ।
पुरा पढ्नुहोस्