खेलकुद

क्रिकेटमा छलाङ

विनोद पाण्डे, माघ ३, २०७३

३५ हजार रुपियाँको एसपीए कपदेखि, डीसीएल हुँदै २८ लाख रुपियाँ पुरस्कार भएको नेपालकै सर्वाधिक ठूलो प्रतियोगिता धनगढी प्रिमियर लिगसम्मको यात्रा
पुरा पढ्नुहोस्

रेकर्ड ब्रेकर रोनाल्डो

ज्ञानेन्द्र आचार्य, पुस ६, २०७३

यदि कसैले क्रिस्टियानो रोनाल्डोलाई ‘रेकर्ड ब्रेकर’ भन्छ भने त्यो शतप्रतिशत सत्य हुन्छ । रोनाल्डोका नाममा केही यस्ता रेकर्ड छन्, जो कसैले तोड्लान् भनेर सोच्न पनि गाह्रै पर्छ । यिनै रोनाल्डोले २७ मंसिरमा चौथो पटक ‘बलुन डि’योर’ जिते । चारै पटक बलुन डि’योर जित्दा रोनाल्डोले अर्का महान् खेलाडी मेसीलाई पछि पारेका छन् । 

क्रिस्टियानो रोनाल्डो पोर्चुगलका सर्वकालिक महान् खेलाडी हुन् । पोर्चुगलबाट प्रत्येक युगमा यस्ता खेलाडी निस्केका छन्, जो एक समय संसारकै उत्कृष्ट खेलाडी कहलिएका छन् । जस्तै : युसेयिबो, फिगो आदि । तर, रोनाल्डोलाई यी खेलाडीभन्दा पनि माथिल्लो दर्जामा राखिन्छ । किनभने, उनले पाएका सफलता र रेकर्डको नजिक पनि कोही पुगेका छैनन् । चौथो पटक बलुन डि’योर जितेपछि रोनाल्डोलाई युरोपको अहिलेसम्मकै उत्कृष्ट खेलाडी भन्न थालिएको छ । र, यो प्रशंसाका लागि उनी योग्य पनि छन् । 

सन् २०१६ रोनाल्डोका लागि उपलब्धिपूर्ण रह्यो । उनको टिम रियल म्याड्रिडले कीर्तिमानी एघारौँ पटक च्याम्पियन्स लिग जित्यो । च्याम्पियन्स लिगको उपाधि आफँैमा ठूलो उपलब्धि हो । अझ यसभन्दा महत्त्वपूर्ण प्रतियोगिता त उनले राष्ट्रिय टिमबाट जिते । उनकै कप्तानीमा पोर्चुगलले पहिलो पटक युरोकप जित्यो । यी दुवै प्रतियोगिता जित्दा रोनाल्डोको योगदान महत्त्वपूर्ण थियो । भलै, युरोकपको फाइनलमा चोटका कारण उनले छिट्टै मैदान छाड्नु पर्‍यो । 

रोनाल्डो स्वभावैले आक्रामक छन् । उनी प्रत्येक खेल जित्न चाहन्छन् । र, प्रत्येक खेलमा आफैँ गोल गर्न चाहन्छन् । यही स्वभावका कारण उनी विपक्षीका लागि सधैँ खतरा बनेका छन् । चाहे त्यो पहिला म्यान्चेस्टर युनाइटेडका लागि खेल्दा होस् या अहिले रियल म्याड्रिडका लागि । एउटा च्याम्पियन्स लिग र बलुन डि’योर त उनी म्यान्चेस्टर युनाइटेडमा हुँदै जितेका थिए । 

२००९ मा म्यान्चेस्टर युनाइटेडबाट रोनाल्डोलाई किन्न रियल म्याड्रिडले आठ करोड पाउन्ड खर्च गरेको थियो । जुन त्यति बेलाको कीर्तिमानी रकम थियो । उनले एक सिजन म्यान्चेस्टर युनाइटेडबाट प्रिमियर लिगमा ३१ गोल गरेर गोल्डेन बुट जितेका थिए । प्रिमियर लिगमा एकै सिजनमा त्यति धेरै गोल गर्नेमा एलेन सियरर र लुइस स्वारेजसँगै उनको नाम पनि पहिलो नम्बरमा पर्छ । रियल म्याड्रिड आएपछि रोनाल्डो झनै कीर्तिमानी भएका छन् । उनले निकै तीव्र गतिमा गोल गरिरहेका छन् । रियल म्याड्रिडका लागि ३ सय ६५ खेलमा उनले ३ सय ७६ गोल गरिसकेका छन् । मात्रै सात वर्षमै उनी रियल म्याड्रिडका लागि सर्वाधिक गोलकर्ता बनेका छन् । 

अहिलेसम्म च्याम्पियन्स लिगमा सबैभन्दा बढी गोल गर्ने पनि रोनाल्डो नै हुन् । त्यहाँ उनले ९५ गोल गरेका छन् । यसमा रियल म्याड्रिडबाट मात्रै उनले ८० गोल गरे । एकै सिजन च्याम्पियन्स लिगको समूह चरणमा सबैभन्दा बढी गोल गर्ने पनि रोनाल्डो मात्रै हुन् । 

रोनाल्डो एक्ला यस्ता खेलाडी हुन्, जसका नाममा फुटबल खेलको हरेक मिनेटमा गोल गरेको रेकर्ड छ । उनले मात्रै लगातार ६ सिजनसम्म ५० भन्दा बढी गोल गर्न सकेका छन् । पोर्चुगलका लागि पनि उनले हासिल गरेको उपलब्धि भेट्टाउन कसैलाई सजिलो छैन । पोर्चुगलका लागि सबैभन्दा बढी खेल खेल्ने र गोल गर्नेमा पनि रोनाल्डो एक नम्बरमा छन् ।

चौथो पटक बलुन डि’योर जितेपछि रोनाल्डो निकै खुसी थिए । उनले आफ्नो सपना पूरा भएको बताए । मेसीको पनि उनले प्रशंसा गरे । मेसीसँगै एउटै टिमबाट खेल्न पाए, त्यो सबैका लागि रोचक हुने बताए । उनले ठट्टा गर्दै भनेका छन्, ‘एकै टिममा रहेको भए मेसीले भन्दा बढी बलुन डि’योर मैले जित्ने थिएँ । तर, उनी मभन्दा धेरै पछि पक्कै हुने थिएनन् ।’ 

पुरा पढ्नुहोस्

व्यवसायी मालामाल, सरकार अनभिज्ञ

मनबहादुर बस्नेत, मंसिर १४, २०७३

उच्च हिमाली क्षेत्रमा सरकारलाई पत्तै नदिई महँगा साहसिक खेलको आयोजना
पुरा पढ्नुहोस्

आवरण कथा» जितको मनोबल

ज्ञानेन्द्र आचार्य, मंसिर ५, २०७३

एक वर्षमा नेपाली फुटबल टिमको उत्साहजनक सफलता
पुरा पढ्नुहोस्

माउरिन्होको भरमा म्यानचेस्टर

ज्ञानेन्द्र आचार्य, कार्तिक ४, २०७३

सबैभन्दा महँगो क्लब भए पनि म्यानचेस्टर युनाइटेडलाई ठुलो सफलताको खडेरी
पुरा पढ्नुहोस्

पाँच दशक शून्य पदक

ज्ञानेन्द्र आचार्य, भाद्र ७, २०७३

नेपालका लागि ओलम्पिक यात्रा उपलब्धिविहीन
पुरा पढ्नुहोस्

अलराउन्डर सरिता

केशव थापा, श्रावण १८, २०७३

सरिता नेपाली महिला क्रिकेट टिमकी अलराउन्डर हुन् ।
पुरा पढ्नुहोस्

रोमाञ्चविहीन युरोकप

ज्ञानेन्द्र आचार्य , श्रावण ३, २०७३

प्रतिस्पर्धात्मक नहुनुमा साना टिम दोषी
पुरा पढ्नुहोस्

वाह ! वेल्स

ज्ञानेन्द्र आचार्य , असार २८, २०७३

सानो टिमको अपत्यारिलो युरोयात्रा
पुरा पढ्नुहोस्

कलात्मक शैलीको सरुवा

राजु घिसिङ, असार १०, २०७३

दक्षिण अमेरिकीले हराएको लय युरोपतिर
पुरा पढ्नुहोस्

कठै ! ब्राजिल

ज्ञानेन्द्र आचार्य , असार ६, २०७३

पाँचपटकको विश्वकप विजेता नेयमारबिना फिक्का
पुरा पढ्नुहोस्