विदेशबाट

नोट कोरे कारावास

- नेपाल संवाददाता , काठमाडौं

च्यातेर, कोरेर वा जलाएर नेपाली नोट बिगार्ने १ भदौदेखि कारबाहीमा पर्ने भएका छन् । त्यस्ता व्यक्तिलाई तीन महिनासम्मको जेल सजाय वा पाँच हजार रुपियाँसम्म जरिवाना हुन सक्ने नेपाल राष्ट्र बैंकले जनाएको छ ।

यसअघि पनि त्यस्ता कार्य गर्नेलाई कानुनी दायरामा ल्याइने भनिएको थियो । तर, कार्यान्वयन अभावमा उक्त कार्य सम्पन्न हुन सकेको थिएन । यसपालि भने यसलाई कार्यान्वयनमा ल्याइने राष्ट्र बैंकका अधिकारीले जानकारी दिएका छन् ।

एक तथ्यांक अनुसार नेपाली बजारमा अहिले करिब ४ खर्ब ५८ अर्ब बराबरका नोट चलनचल्तीमा छन् । त्यसमध्ये ३० प्रतिशत नोट काम नलाग्ने अवस्थामा छन् । भारतीय समाचार संस्था आईएएनएसले लेखेको छ, ‘जनताकै लापरबाहीका कारण नेपाली नोटको आयु घट्ने गरेको थियो । नयाँ नियमसँगै नोट प्रयोगमा सबै सचेत हुने निश्चित छ ।’

प्रकाशित: श्रावण २७, २०७५